नवी दिल्ली:
देशातील पत्रकार संघटनांची सर्वोच्च संस्था असलेल्या प्रेस क्लब ऑफ इंडियाच्या निवडणुकीत सर्व पदांवर गौतम लाहिरी पॅनेलने नेत्रदीपक यश मिळवून पुन्हा एकदा इतिहास रचला आहे. यावेळी निवडणुकीत अध्यक्ष म्हणून गौतम लाहिरी यांना सर्वाधिक 1045 मते मिळाली. उपाध्यक्षपदासाठी संगीता बरुआ यांना 927, सरचिटणीसपदासाठी नीरज ठाकूर यांना 913 मते, सहसचिवपदासाठी अफजल इमाम यांना 782 मते, तर कोषाध्यक्षपदासाठी मोहित दुबे यांना 782 मते मिळाली.
ज्येष्ठ पत्रकार गौतम लाहिरी यांची प्रेस क्लब ऑफ इंडियाच्या (PCI) अध्यक्षपदी सलग दुसऱ्यांदा निवड झाली आहे. संगीता बरुआ पिशारोती यांची पीसीआयच्या उपाध्यक्षपदी, नीरज ठाकूर यांची सरचिटणीसपदी, अफजल इमाम यांची सहसचिवपदी आणि मोहित दुबे यांची खजिनदारपदी निवड झाली आहे. येथील प्रेस क्लब ऑफ इंडियाच्या प्रांगणात शनिवारी प्रमुख पाच पदे आणि व्यवस्थापन समितीचे १६ सदस्य निवडण्यासाठी मतदान झाले.
अध्यक्षपदी विजयी झालेले गौतम लाहिरी म्हणाले की, आमचा संघ प्रसारमाध्यमांचे स्वातंत्र्य अबाधित ठेवण्याबरोबरच माध्यम संस्थांचे स्वातंत्र्य अबाधित राखण्यासाठी सातत्याने प्रयत्न करत आहे आणि भविष्यातही असेच प्रयत्न करत राहील. मुक्त माध्यमे हा निरोगी लोकशाहीचा पाया आहे आणि त्याचे रक्षण करणे ही आपली जबाबदारी आहे. आगामी काळातही पत्रकारांचे प्रश्न आवाज उठवत राहणार आहेत.
