उत्तर प्रदेशात विधानसभेच्या नऊ जागांसाठी आज मतदान होत आहे. या पोटनिवडणुकीत एकूण 90 उमेदवार आपले नशीब अजमावत आहेत, तर नऊ विधानसभा मतदारसंघात 34,35,974 मतदार मतदान करत आहेत. मतदानासाठी ५,१५१ ईव्हीएम कंट्रोल युनिट, ५,१७१ बॅलेट युनिट आणि ५,५२४ व्हीव्हीपीएटी तयार करण्यात आल्याचे निवडणूक आयोगाने सांगितले. निवडणुका शांततेत पार पाडण्यासाठी पुरेसा निमलष्करी दल तैनात करण्यात आले आहे. 1,994 मतदान केंद्रांवर थेट वेबकास्टिंगची व्यवस्था करण्यात आली आहे.
